"NUNG LUNGMI WEBLOG HTA SA DU SHANG CHYAI AI NI YAWNG HPE KABU GARA HKAPTAU LA GA AI."

𝗝𝗜𝗡𝗚𝗛𝗣𝗔𝗪 𝗠𝗨𝗡𝗚𝗗𝗔𝗪 𝗠𝗔𝗦𝗔𝗧 𝗡𝗛𝗧𝗢𝗜 𝗕𝗬𝗜𝗡 𝗪𝗔 𝗔𝗜 𝗟𝗔𝗠

Rev. Marip La Rip January 10, 2010
Jinghpaw Mung (Kachin State) ngu nna mungkan e labau shang, tara shang daidaw masat, amying shingteng shamying dat lu ai gaw 1948 ning January shata praw 10 ya shani rai nga ai law.Jinghpaw ni gara aten kaw nna, dai ni na Jinghpaw Mung e du nga sai hpe labau ka sara ni langai hte langai mu tam sawk sagawn ai lam n bung ma ai raitim, byin mai ai lam langai mi gaw AD 1700 hpang daw kaw nna gaw Jinghpaw ni Jinghpaw Mung e atsawm shashanu nga lai wa na sai ngu sawn la mai ai; hpa majaw nga yang AD 1700 a shawngdaw de daini na Jinghpaw Mung kaw e Sam hpunau ni n-gun ja taw ai majaw Jinghpaw ni garai n du shang wa lu shi na re ngu sawn la ai majaw re.
Jinghpaw Mung e Jinghpaw ni hpe shawng ningnan myi hte chyaw sa mu ai maigan masha gaw Eugenio Kincaid ngu ai American Baptist sasana sara wa re ngu mu lu ai. Rev. Eugenio Kincaid gaw 1837 hta Manmaw hte Mogawng lamuga hkan du lung wa yu nna shi a lata hte ka ai laika hku nna maigan masha ni, Jinghpaw ni hpe Kachin masha ni ngu chye hpang wa ai hte mungkan labau hta Jinghpaw ni hpe Kachin ni ngu masat lai wa sai.Jinghpaw ni gaw shanhte hkrai shanhte shada uphkang nna nga lai wa sai lam hpe labau laika ni hta mu lu nga ai.
Kaga amyu ni a uphkang ai npu de du mat wa ai gaw English-Myanmar majan ni (1824, 1852, 1885) ngut ai hpang, 4 ning na ai hpang, 1891 hta, dai aten eBurma ngu ai lawu Myen Mung ga Rangoon e rung jung ai English colony ni Jinghpaw Mung hpe wa madu la kau nna Burma colony hta bang la kau ai aten kaw nna rai nga ai.
Shaning 57 ning Jinghpaw Mung hpe English ni uphkang ai ngu tsun mai tim, English ni direct uphkang ai lam n re ngu mung mai tsun ai; hpa majaw nga yang, “The Kachin Hill Tribes Regulations 1895”, “Jinghpaw amyu uphkang upadi 1895” ngu ai upadi hpe yu yu yang, Myitkyina Ginwang, Manmaw Ginwang, Ayebeng, Bum Du, Shanhpraw Du ngu san tawn ai lam nga tim, kaja wa Jinghpaw ni hpe uphkang ai gaw Bum Du (shing n rai) „taung-ok‟ ngu ai Jinghpaw Duwa hpe lit jaw nna, Mung Du, Agyi, Salang ni hte Jinghpaw htung lailen hte maren sha she jeyang dawdan ai lam ni nga lai wa sai hpe mu lu mai nga ai. Manmaw Ginwang e, Sinlum Bum Du hte Shwegu Bum Du dung ai shara tawn da lai wa sai lam chye lu ai. Myitkyina Ginwang e gaw, Mogawng, Kamai, Sumprabum, Lauhkang, Sadung hte Putao ginwang kaji ni bai garan tawn lai wa masai.
“The Kachin Customary Law” ngu ai
Jinghpaw upadi hte Jinghpaw shada da byin ai amu ni yawng hpe tara jeyang ai gaw, prat hte prat nga lai wa sai. English asuya prat hta raitim, moi Jinghpaw shada da uphkang ai aten nahte maren sha galaw lai wa sai lam chye lu ai.
English asuya lakhtak hta e, 1924 ning December shata 29 ya shani, Sara Kaba Lahpai ZauTu woi awn ningbaw tai ya ai hte, Manmaw Ginwang Du Salang 30, Myitkyina Ginwang Du Salang 26, lekmat dip nna Jinghpaw amyu ni hpe mungmasa lam hta uphkang lam ahkaw ahkang hpyi ai laika hpe Yangon kaw rung jung ai English governor Sir Spencer Harcourt Butler (02.01.1923 - 20.12.1927) hpang de tang shawn lai wa ga sai.
Dai hpang Jinghpaw Du Salang ni Yangon de du hkra sa nhtawm governor wa hte 1925 ning January shata 5 ya shani rung shang hkrum nna ahkaw ahkang hpyi lai wa sai. Dai hpang, 1935 ninghta gaw Hpaji Du Maran Robin woi ningbaw let, Jinghpaw Du Salang 23 gaw, Yangon de sanna, English governor Sir Hugh Landsdowne Stephenson (20.12.1932 - 08.05.1936) hpang de Jinghpaw ni hpe shanglawt jaw na lam hte English hpe ninghkap gasat ai lam mara dat ya nalam ni hpe hpyi shawn lai wa sai. Ndai lam ni hpe yu yang, Jinghpaw ni gaw mungmasa lam hta su hprang nga ai lam hpe mu lu mai nga ai.
Jinghpaw Du Salang ni ndai zawn shanglawt ahkaw ahkang hpyi nga yang, 1939 shata praw 1 ya shani kaw nna Nambat Lahkawng Mungkan Majan kaba byin hpang wa sai hte, Europe e Germany ni hte English ni majan gasat hpang sai. December 7,1941 hta gaw Hawaii zunlawng, Pearl sanghpaw daru e, American hpyen sanghpaw kaba nihte nbungli ni law law hpe fascist Japan nbungli ni akajawng sha bomb jahkrat gasat ya aikaw nna, American ni mung mungkan majan hta shanglawm bang wa sai. Sinpraw mungdan hkan e mung Japan ni majan gasat dang bang wa sai hte Myanmar mungdan de mung
December 11, 1941 hta shang bang wa sai hte March 7, 1942 hta gaw Myen Mung na English hpyendap ni mung, India de htingnut mat wa sai. 1942 hta Jinghpaw Mungd e “Kachin Rangers” ngu ai hpyen hpung hpe American 101 ni hpaw tawn sai. 1943 hta Jinghpaw Mung e English ni a special hpyen hpung hku nna “Kachin Levies” ngu ai hpe hpaw hpang sai.
Bum ga de na sinat lang ram ai la ni yawng shang gasat lawm ai Japan majan re.
1945 ning March shata praw de gaw, Kachin Rangers ni Jinghpaw Mung, Miwa Yunan mungdaw, Sam Mung Kyengtung du hkra gasat awngdang kau da sai. Dai majaw 1945 March shata 24-26 ya ni hta, Manmaw ginwang Sinlum Bum Du rung dung ai kaw majan dang ai padang manau kaba galaw lai wa sai. English hpyen du kaba ni, American hpyen dukaba ni law law du sa shang lawm lai wa sai.
Japan hpyendap hta mying kaba dik ai hte ramdik ai hpyen hpung ni hpe gasat kau ya ai majaw, English hte American ni grai kabu let, mau pyi mau ma ai lam hpe myit hte chyaw mu ai kaji kawoi ni prat hte prat tsun dan hkai dan nga ma ai. Mungkan majan ngut ai hpang, 1946 ning January shata hta Myitkyina Mare kaw, majan dang ai awng padang manau kaba galaw sai. Dai padang manau poi de, English governor wa Col.Sir Reginald Hugh Dorman-Smith (06.05.1941-31.08.1946) hte hpyen du kaba ni, American hpyen du kaba ni sa du lawm ma ai.
Jinghpaw Du Salang ni gaw majan hta Allied Forced maga lawm let, Japan ni hpe gasat ai amyu ni hpe, majan dang ai shani shanglawt jaw na, nguai Atlantic Charter myit hkrum ga shaka hte maren, Jinghpaw ni hpe shanglawt jaw ya na lamhpyi shawn ai laika, governor wa a lata de tang madun sai lam chye lu ai.1946 ning August shata praw 15 ya shani gaw Myitkyina Mare Manhkring laika sharin jawngwang e, English du Mr. Stevenson gaw Jinghpaw Du Salang ni hte Jinghpaw masha ni hpe kaga hpunau ni hte shanglawt arau nla na hku tsun lai wa sai raitim dai aten hta Jinghpaw ningbaw ni gaw English duwa a ga hpe n kam ai majaw n hkap la lai wa sai lam chye lu ai.
Dai aten hta English governor wa a mungbawng hpung hta makawp maga dap hkringmang rai nga ai General Aung San gaw, 1946 ning November 28 ya shani, Myitkyina de du lung wa nna, Jinghpaw Mung Du Salang ni law law hte hkrum shaga lai wa sai. Aung San gaw, Myen Mung ting shanglawt lu na matu, Myen, Sam, Jinghpaw, Hkang,Kayin, Kaya, Mon, Rahkaing yawng myit mang hkrum let jawm hpyi yang she lawan lu na lam tsun ai hpe Jinghpaw Du Salang ni mung myit hkawn lai wa sai.
1946 November 29 yashana de, 2nd Kachin Rifles Dap kata e Jinghpaw Du Salang 30 daram hte Bogyoke Aung San zuphpawng galaw ai hta Bogyoke Aung San tsun ai gaw majan kaba ngut ai hpang English ni gaw Myen ni hte Bum ga masha ni hpe ginhka nna galaw hkyen nga ai lam tsun nhtawm, ahtang asa rai nga na lam tsun shaleng dan ai nga ma ai.
1946 ning November 30 ya jahpawt 9am hta Bogyoke Aung San hte English hpyen du kaba ni hpe Jinghpaw ni gaw Manhkring mare e Jinghpaw htung hte maren manap shat hte hpap hkalum jaw nna, Jinghpaw nhpye hte n-gang nhtu kumhpa jahpye ya nna, shagrau sha-a hkalum ga tsun ma ai.Sarama Gawlu Lu, Sarama Nang Seng, Nhkum Bawk, Hkawn Raw, Ja Bawk, Nem Ra ni hte sumla kayat la ai hte Du Salang ni hte mung sumla dem hkra rai hku hkau lam galaw lai wa
sai. Jinghpaw Du Salang ni gaw “Jinghpaw ni hpe English Myo kata de n nga shangun ai,shanglawt lu jang mai nga na i?” ngu san jang
Bogyoke Aung San gaw “shara shagu mai nga ai” nga nna Myitkyina Myoma lawk e Jinghpaw ni hpe nta htingra jaw dat ai majaw Jinghpaw Du Salang ni grau kam mat wa masai nga ma ai.Bogyoke Aung San hte myit hkrum da sai hte maren, Jinghpaw Du Salang ni gaw mungdan shanglawt rau la na lam hte shanglawt lu ai hpang na lam ni hpe bawngban dawdan ai Panglung zuphpawng hta shang lawm bawngban myithkrum dawdan lai wa sai. Panglong myithkrum ga shaka laika hpe 1947 ning February shata praw 12 ya shani, Bogyoke Aung San hte du sa ai Du Salang ni yawng myithkrum shagrin da lu sai.
Jinghpaw Du Salang ni bawng jahkrup da lai wa sai lam ni gaw, Jinghpaw Mung shanglawt hpe kaga hpunau ni hte arau lana lam hte Jinghpaw Mung kaw Myitkyina Ginwang hte Manmaw Ginwang ni lawm na hku bawng jahkrup da lai wa sai re.
Panglung Zuphpawng hta shanglawm lai wa sai Jinghpaw Du Salang ni marai 12 re.
Myitkyina Ginwang Kasa 8 hte Manmaw Ginwang Kasa 4 re.
I. Myitkyina Ginwang Kasa Marai 8
1. Sama Duwa Sinwa Nawng (Ningbaw)
2. Wabaw Zau Rip– Amu Madu, Myitkyina
3. Salang Dingra Tang– Putau
4. Duwa Htingnan Gum Ja– Sumpra Bum
5. Duwa Karing Naw– Sumpra Bum
6. Chyinghtawng Duwa Zau Naw – Sadon
7. Duwa Nding Tawng U – Hugawng
8. Sara Chang Zung– Lau Haung
II. Manmaw Ginwang Kasa Marai 4
1. Duwa Zau Lawn
2. Lawdan Duwa Zau La
3. Sara Maran La
4. Salang Labang Grawng
Panglung myithkrum ga shaka laika hta ta masat lekmat htu nna shagrin da lawm lai wa sai myitsu ni gaw lawu na hte maren re ai.
1. Bogyoke Aung San, Myen Mung asuya a malai
2. Sao Hkun Pan Saing, Tawng Peng Sawbwa
3. Sao Shwe Thike, Nyaung Shwe Sawbwa
4. Sao Hone Hpa, Sinli Sawbwa
5. Sao Nun, Laika Sawbwa
6. Sao Sam Htun, Mung Pawn Sawbwa
7. Sao Htun Aye, Nam Hkam
8. Duwa Hkun Hpung, Sinli Dat Kasa
9. U Tin Aye, Taunggyi Dat Kasa
10. U Kya Bu, Si Paw Dat Kasa
11. Sao Yit Hpa, Sipaw Dat Kasa
12. U Hkun Hti, Panglong Dat Kasa
13. U Tun Myint, Mawlamyai Dat Kasa
14. U Hkun Saw, Pindaya Dat Kasa
15. U Hpyu, Sinli Sawbwa a malai
16. Sama Duwa Sinwa Nawng, Jinghpaw Kasa
17. Duwa Zau Rip, Jinghpaw Kasa
18. Duwa Dingra Tang , Jinghpaw Dat Kasa
19. Duwa Zau Lawn, Jinghpaw Kasa
20. Lawdan Duwa Zau La, Jinghpaw Dat Kasa
21. Labang Grawng, Jinghpaw Dat Kasa
22. U Hlur Hmung, Hkang Dat Kasa
23. U Thang Za Khup, Hkang Dat Kasa
24. U Kio Mang, Hkang Dat Kasa
Panglung Zuphpawng ngut ai hpang, Mungbawng Rapdaw Zuphpawng hpe 1947 ning June shata praw 10 ya shani kaw nna, Rangoon Mare e hpawng hpang wa sai. Jinghpaw Du salang marai sanit mung shanglawm bawngban sai. Jinghpaw Mung dat kasa ni gaw lawu de na hte maren rai nga ai.
1. Sama Duwa Sinwa Nawng, Myitkyina
2. Duwa Zau Rip, Myitkyina
3. Salang Kumreng Gam, Myitkyina
4. Salang Marip Awng Ba, Myitkyina
5. Duwa Zau Lawn, Manmaw
6. Salang Ugyi Hting Nan, Manmaw
7. Salang Labang Grang, Manmaw
Mung ni gumhpawn nna shanglawt garai n lu yang, 1947 ning July shata 19 ya jahpawt hkying 10:30am daram hta Bogyoke Aung San hte shi hkringmang wunji manang marai 6 hpe, Galon U Saw a masha ni sa gap sat kau sai.
Bogyoke Aung San nnga mat ai hpang, 1948 ning January shata praw 4 ya jahpawt hkying 4 aten hta gaw English asuya kaw nna Burma Mung ninghtan mungdan „Union of Burma‟ hpe awmdawm shanglawt jaw sai.
Jinghpaw Du Salang ni a shakut shaja ai lam ni a majaw, 1948 ning January shata praw 10 ya shani hta gaw “Jinghpaw Mung‟ ngu ai anhte a Mung hpe tara shang masat masa dai daw dat lu sai. Jinghpaw Mung Asuya a shawng ningnan na ningbaw ni gaw:
1. Jinghpaw Mung Ningbaw– Sama Duwa Sinwa Nawng
2. Jinghpaw Mung Kongsi Ningbaw– Duwa Zau Rip
3. Jinghpaw Mung Sutgan Dap Hkringmang– Duwa Zau Lawn
4. Jinghpaw Mung Hpaji Dap Hkringmang– U Ba U
5. Jinghpaw Mung Hkailu Hkaisha hte Namkawn Dap
Hkringmang – Thakhin Pyaut
1948 ning January shata praw 10 ya shani kaw nna dai ni du hkra ndai zawn rai Jinghpaw Mung hpe makawp maga ai myutsaw mungtsaw Jinghpaw Wunpawng amyu masha ni yawng hte wuhpung wuhpawng ni yawng hpe mung anhte yawng gaw chyeju dum mai nga ai law.
Tinang a atsam dat, salu salat hte du daw sai hkaw hkam nna ladat amyu myu shaw let Jinghpaw Mung hpe makawp maga lai wa sai kaji kawa ni, labau laika buk hkan e mying n lawm tim lam amyu myu hku makawp maga lai wa sai kanu kawa, hpu nau ni yawng hpe hkungga jaw let, daini anhte nang ngai kadai mung Jinghpaw Mung hpe matut nna makawp maga nga ga law.
Hkungga Jaw Ai Lam (Acknowledgement)
Duwa Mahka Kam Htoi,
“Jinghpaw Mung Ngu Masat Daidaw Shamying Lu La Wa Ai Lam
” January 10, 2009, Myanmar Institute of Theology Jinghpaw jawngma ni saw shaga ai hkaw tsun hpawng hta hkaw tsun ai lam hpe mahta nna ndai labau kadun hpe ka da ai re.
Labau ngu ai gaw hkum tsup ai n nga ai majaw, ra rawng ai lam hta hkawp myitsu wa a jahkum shatsup hpaji jaw ya ai lam hpe kabu gara chyeju dum let hkap tau hkalum la na nngai.
Matut nna, ndai ka ngau gaw Jinghpaw Mung ngu tara shang masat daidaw la lu ai labau kadun sha re majaw, 1948 ning January shata praw 10 ya du hkra na labau kadun sha rai nga ai.
1948 ning kaw nna daini du hkra Jinghpaw Mung hpe lam amyu myu hku makawp maga nga ai ningbaw ningla ni, wuhpung wuhpawng ni yawng hpe mung ndai ka ngau hte arau shagrau sha-a dat nngai law. Daini anhte yawng shanglawm nga ai shamu shamawt lam yawng gaw anhte ka nga ai labau ni nan rai nga ai law.
Laika Ka Ai :Rev. Marip La Rip



3/300 Sasana Mahkawn Tape 1

 


3/300 SASANA LABAU SHANG SUMLA NI


3/300 Sasana Rawt na ni hpe Nhtoi 40 ya tup Chyum laika sharin ya ai sara/num ni

3/300 Logo











3/300 Sasana Magum Bu Hpawng






3/300 Magum Bu Hpawng











3/300 Sasana Masat Lakmat

Rev. Dr. Gam Seng Shae 3/300 Sasana Magum Bu Hpawng hta mungga tsun nga yang.
Photo Credit - Rev. Dr. Palawng Naw Tawng


 Reference : JHZ (KBC) Labau Laika Buk - Laika man 184-196

Labau Laika ngau shagun ya ai - Rev. Sumlut Tang Awng (MKBC), Tang Awng
hte Slg. Labang Hka Ring (MKBC) Labang HkaRing
Sumla nkau gaw Awng Dingzai, Rev. Bau Tu Ja, Rev. Lahpai Ja Naw, Rev. Dr. Palawng Naw Tawng hte kaga Facebook ni kaw na la ai.

KBC 3/300 SASANA LABAU (1978-1981)

3/300 SASANA A SHINGKANG SHINGWANG

Ladat Shaw Wa Ai Lam

        KBC Latsa Ning Hpring Jaw Masat poi (1877-1977) ngut ai hpang, 3/300 Sasana galaw na matu lawu de na hte maren, daw dan shagrin da nna hpang wa sai.

JHZ/83-975. Masum ning a matu, ap nawng ai magrau grang masha ni hpe shangai shapraw na, JHZ Shingwang kata Ginwang (6) hta shabri shabrai la ai sha, Kabu Gara Shi Ga hkaw tsun shachyam ai amu galaw ga. Dai amu byin wa hkra JHZ Kabu Gara Shiga hte Sasana Dap (KBC K/S Dap) gaw aja awa myit sumru yu nna, galaw sa wa na lit ap ya ga ngu sai.

Masing Lajang Komiti Hpaw Ni Lam

•Masing Lajang Komiti hpe lawu de na myitsu ni hpe shatsam da sai.

1) Rev. Marip Ja Naw (KBC Ningbaw)
2) Rev. Lahtaw Gum Se (Nawng Nang Chyum Jawng Up)
3) Rev. Lahtaw Saboi Jum (Rev. Dr. Saboi Jum) (Hanson Press Hpareng)
4) Sara Mading Hkaw Sau (Rev.M. Hkaw Sau) (Myitkyina UCF Pastor)
5) Du wa Jaiwa Tang (KBC Kunhting)

Ndai Masing Lajang Komiti ni gaw lawu de na hte maren, masing jahkrat da ma ai.

1) Shabri shabrai n la ai sha (3) ning tup, ap nawng lu ai masha marai (300) hpe lu hkra saw shaga na.
2) Masha marai (300) lu na matu, marai (12) lawm ai Nga Hkwi Hpung hpaw na.
3) Nga Hkwi Hpung ni gaw, _

  • ·         Marai (300) a mying hta la na,
  • ·         Ga Sadi Alu jaw na ni a mying hta la na.
  • ·         Akyu hpyi ya na ni a mying hta la na,
  • ·         Mai byin ai hku nna karum na ni a mying hta shinggyin na,
4) Ap nawng masha ni hpe nhtoi (40) ya sharin hpawng galaw ya na.
5) KBC Shingwang kata Ginwang (6) de dat dat na.
6) Laning mi hpring jang shara galai na.
7) 3/300 Sasana hpe 1978-81 ning du hkra, (3) ning tup galaw na.
8) (3) ning hpring ai hte magum bu poi galaw na.
9) 3/300 Sasana hta ap nawng ai ni a bungli ni;

  • ·         Wenyi myit jasu hkaw tsun na.
  • ·         Hkristan n re ai hpu nau ni hpe, Kabu Gara Shi Ga hkaw tsun na.
  • ·         Nat Hkyawt Sasana galaw na.
  • ·         Nang Hpam Lusha ni koi gam chye hkra, hkaw matsun sharin ya na.
  • ·         Buga Hpung hte tsan gang mat sai sagu ni hpe kahkyin na.

 NGA HKWI HPUNG HPAW AI LAM

Ngahkwi Hpung hpaw na lam hte seng nhtawm lawu de na maren dawdan da ma ai.

JHZ/ 44-1977. Masum Ning Sasana a matu, masha marai (300) lu hkra hkan tam na. "Nga Hkwi Hpung" masha marai (12) lawm ai, Ginwang shagu na Kabu Gara Shiga Gat Hkai Komiti ni hpaw ai hku rai u ga ngu sai.

Ndai daw dan minute hte maren, Ginwang shagu de Nga Hkwi Hpung Ningbaw ni tawn nna galaw sa wa sai. Ningbaw ni gaw:

  • 1) Sara Mading Hkaw Sau, Myitkyina Ginwang (Rev.M.Hkaw Sau)
  • 2) Sara Maran Yaku, Manmaw Ginwang
  • 3) Sara Lazum Bawk, Sam Mung Ginwang
  • 4) Sara Hpauroi Naw Mai, Htingnai Ginwang (Rev. Hpauroi Naw Mai)
  • 5) Sara Nang Gaw La, Putao Ginwang (Rev. Nang Gaw La)
  • 6) Rev. Myitung Tongsi, Hkahku Ginwang ni rai ma ai.

Dai sha n-ga (100) ning Jaw Masat Poi a matu mung, 3/300 ap nawng masha ni pru wa na matu mung, myit sharawt campaign hpe KBC K/S Dap kaw nna KGS 03-1975 hte maren, hpung (3) garan nna hkawm sai. Dai hpung masum ni gaw:

 Majoi Singra Campaign (Group 1) (Putao - Sumpra Bum)

1) Sara Hpauroi Naw Mai, Hpaawn
2) Rev. Yijawng Hawng Hkawng (ya KBC Kawan Sara)
3) Sara Nhkum Naw
4) Sara Jangmaw Bawk Mai (Rev. Jangmaw Bawk Mai)
5) Sara Awng Te
6) Rev. Nang Gaw La
7) Sara Beset Hkang Sar (Rev. B. Hkang Sar)
8) Sara Sau Lang Yaw Ying

Htingnai Campaign (Group 2) (Myitkyina-Mogawng-Mohnyin)

1) Sara Lamung Naw Htoi, Hpaawn
2) Sara Mading Hkaw Sau
3) Sara Khin Mawng
4) Saranum Nang Tum (ya KTC Saranum)
5) Sara Jangma Pawlu  (Rev. Jangma Pawlu)
6) Sara Pungga Ja Li (Rev. Pungga Ja Li)
7) Sara Hkaw Le
8) Sara Kareng Hting Nan (Rev. Kareng Hting Nan)
9) Sara Lasaw Yaw Ba  (Rev. Dr. Lasaw Yawba, USA)

Bum Sumshi Campaign (Group 3) (Myitkyina-Manmaw-Sam Mung) 1

1) Sara Lahpai Zau Lat, Hpaawn (Rev. Dr. Lahpai Zau Lat)
2) Sara Laimaw Gam (Rev. Laimaw Gam)
3) Sara Hkangda Brang Gam
4) Sara Hkangda Tu Lum (Rev. Hkangda Tu Lum, MBC Amu Madu)
5) Sara Lazum Bawk
6) Sara Lashi Bawk (Rev. Lashi Bawk)
7) Sara Labya De (Rev. Labya De) (Manmaw Ginwang Amu Madu)
8) Sara Hpaula Htun La (Rev. Hpaula Htun La)
9) Sara Marip Awng La (Rev. Marip Awng La)
Matsing -Nga Hkwi Hpung ni lu ai masha, marai (600) jan re.

NHTOI (40) YA SHARIN HPAWNG GALAW AI LAM

Sharin shara hpe, Nawng Nang Chyum Jawng Wang, Jaw Poi ginsum nkau mi ngam la nna galaw sai. 29.12. 1977 ya shana kaw nn hpang nhtawm 19.2.1978 shani jawng yu sai. Laban shani hte ahkyak nhtoi ni n lawm ai sha nhtoi (40) ya tup sharin sai. Sharin Sara marai (26) hte, ningbaw marai (18) woi awn nna grai hkrak ai hku galaw la lu sai.

3/300 SASANA SHATAWNG SHADA AI LAM

Ndai Sasana hpe “Wenyi Jasu Majan” ngu shaming nna galaw na (28.8.1976, K/S Dap daw dan minute 3-1976). Masum ning tup lawu de na ga baw ni hpe madung dat nna galaw sa wa na. 

  • 1978 ning Yesu Shalawt Ai
  • 1979 ning Yesu Hkye La Ai
  • 1980 ning Yesu Kahkyin Gumdin Ai.

 3/300 SASANA A YAW SHADA AI LAM NI

  • 1 Grau htum ai Hkristu a mying ningsang kajai gara wa na matu.
  • 2)      Karai Kasang hpe hkrak garai n chye ai ni, Hkristu a ninghtoi lu la nna, kamsham hkap la wa na matu.
  • 3)      Hkristu a matu asak hkrung ai masha law htam jat wa na matu.
  • 4)      Nga sat nga sa madang tsaw jat wa na matu.
  • 5)      Kabu gara Shiga hpe n na ai masha langai mi mung n nga hkra hkaw tsun na.

 SASANA SA NA HKYEN LAJANG AI LAM

1)      Hkum Hkrang hta Hkyen lajang Ai Lam
  1. Uniform (bu hpun hking bung) sumraw ai lam hta, la ni gaw palawng hpraw, ntsa palawng achyang, the Hkahku labu rai nhtawm, num ni gaw palawng hpraw, Hkahku labu, the lawai hpajet rain a. Kahpa maga lahkawng dazik shakap na.
  2. Masat masa masat pa (card) masat ai hta, ntsa de 3/300 dazik kap, kata de mying ka nna KBC ginjaw dazik, ningbaw ni a ta masat kap ai.
  3. Dazik galaw masat ai lam hta, bum, pa laying hkan nli gat nga ai sumla rai nna, sinda kaw KBC 3/300 Sasana ngu ai hpe shakap da ai.
2)      Wenyi Hkyen Lajang Ai Lam

Wenyi hkyen lajang ai lam hta, ap nawng ai ni langai hkrai akyu hpyi ai, wuhpung hku nna akyu hpyi ai, KBC Shangwang ting hkying hkum (24) akyu hpyi ai lam hpe (16-2-1978) ya shani galaw sai.

SASANA GINRA DE PRU SA WA AI LAM

20.2.1978 ya shani, Myitkyina mare kawn tinang ang ai shara de pru sa wa sai. Garan dat ai masha n-gun hte Sasana Ginra ni gaw:

1) Puta Ginwang             Marai - 23
            2) Hkahku Ginwang       Marai - 40
            3) Myitkyina Ginwang     Marai - 53     
            4) Htingnai Ginwang      Marai - 24
            5) Manmaw Ginwang    Marai - 41
            6) Sam Mung Ginwang    Marai - 71
            7) Sama Ginwang           Marai - 13
            8) KBC Ginjaw Rung       Marai - 8
            9) Waimaw Ginwang      Marai – 27

             Yawng - 300

 Galaw Sa Wa Ai Ladat

3/300 Sasana galaw sa wa ai ladat ni gaw, lawu de na hte maren rai nga ai.

1) Gang bang hkaw tsun hpawng galaw ai lai.
2) Langai hkrai sakse hkam hkaw tsun ai lai.
3) Group hku rau hkawm nna ka hkrang, maumawi madun ai lam (Drama) ni hte rai nna hkaw tsun ai lai.
4) Nta dinghku kawan ai lai.
5) Shara n lata ai sha hkaw tsun ai lai,
6) Tsi rung kawan n-gun jaw ai lai.

Ndai ladat ni hpe tinang ang ai shara hkan hkaw tsun sakse hkam hkawm nna, shaning shagun-gun awai hpawng bai galaw ma ai. 1979 ning February shata 19. 20 ya laman hta gaw, tinang ang ai ginwang ginjaw kaw wa hkrum nna, “Yesu Shalawt Ai” ngu ai ga baw hte n-gun ban hpawng galaw la sai. 1980 ning January 24 hte February 5 ya laman hta  “Yesu Kahkyin Gumdin Ai” ngu ai ga baw hte n-gun ban ai hpawng galaw la sai.

Awng Dang Ai Lam

1) Gangbang Hkaw Tsun Hpawng hpe, shara law law hta galaw lu sai.
2) KBC Shangwang ting hta, Wenyi Myit Jasu Sharawt Ai Lam galaw lu ai,
3) Nat Jaw hpu nau ni law law Nat kabai kau nna, Yesu Hkristu hpe hkap la kam sham wa sai.
4) Nat shung ai masha ni hpe, Nat shachyut kau ya lu sai.
5) Machyi makaw law law hpe shamai ya lu ai shan-ga, si mat sai ni hpe pyi bai sharawt ya lusai
6) Kaga makam masham kaw na hpu nau ni, Yesu Hkristu hpe hkap la wa sai.
7) Waimaw Hka Dan Sasana hpang dat lu sai.
8) Putao Gumdi Sam Sasana hpang dat lu sai.
9) Sam Mung dingdung daw Sam Sasana galaw lu sai.
10) Kadu Kanan (Myen-Sam) Sasana hpang dat lu sai.
11) Miwa Gumsan Mungdan lamu gajarik de sasana galaw lu sai.

Ja Wudang Dazik Shagrau Ai Lam

3/300 Sasana ladaw laman shakut shaja ap nawng gun hpai nga ninglen e, Madu Yesu Hkristu hta yup pyaw wa sai, lawu de na ap nawng shayi sha lahkawng hpe, Ja Wudang Dazik the shagrau ya sai.

  1. Shy. Zinghtung Roi Ja (Asak 20 ning) Myitkyina Ginwang, Dum Bang mare na re. (19.8.1978 shani Madu Yesu Hkristu hta yup pyaw wa sai.
  2. Shy. Tangbau Tawng Nu (Asak 22 ning) Sam Mung Ginwang, Kutkai mare na re, 23.5.1981 shani Madu Yesu Hkristu hta yup pyaw wa sai.

Matut nna mung (65) Lang na KBC Dawdan Komiti Minute JHZ/D18-1984 (Nhtoi 3.4.1984) the maren, KBC K/S Dap hku nna 3/300 Sasana magma hta, shakut shaja lai wa sai lawu de na myit ni hpe, (28) Lang Na Mung Shawa Zuphpawng (Geis, Myitkyina) ten hta shagrau kumhpa ni hpe jaw sai.

1)      Gindon Padang Ninghtu

a)      Rev. Marip Ja Naw (3/300 Ningbaw)

2)      Sasana Maden Dazik

a)      Saranum Esther Hkawn Din

b)      Rev. Z. Tu Lum

c)      Rev. S. Yaw Ying

d)     Rev. Ra Gawk (Naga)

e)      Rev. Zau Hkawng)

3) Daw Jau Kangka Dazik

  1. a)      Slg. Hpare Ting Hkaw
  2. b)      Slg. Hpilip Brang Shawng
  3. c)      Shayi Dau Nyoi

 4) Gindon Pahtau Dazik

a)      Sara G. Ting Bawm
b)      Sara Lasi Tang Gun
c)      Sara Jumzang Gyung Hkawng
d)     Rev. Zau Hkam
e)      Saranum Hkangda Htoi San
f)       Sara Rahkwi Dee Zi
g)      Sara Mading Hkaw Sau

 3/300 SASANA A SHINGKANG SHINGWANG SAKSE NI

1)      3/300 Saana awng dang ai shi gag aw, Myen mungdan e nga ai mungchying sha ni a kat akaw sha n-ga, mungdan ni law law hta chyam bra gumhkawng mat wa sai hku re. 3/300 Sasana hpe kasi la nna, shara law law hta apnawng sasana ni hpaw ninghtan wa ai hpe mu lu ai. Ga shadawn, 3/21 Sasana, 3/12 Sasana, 3/70 Sasana zawn re ai ni re.

2)      3/300 Sasana galaw nga ai aten hta hpyen majan grai tsang ra ai, Chihpwi, Laukhkawng ginra ni hta, hkam tawn ai bawm ni a ntsa hku hpa n byin ai, kabye lai wa lu ai; bawm noi sumbyau tawn ai hpyen dap kata de, hpa n byin ai shang wa lu ai; summwi magap ka-up ya ai kata kaw, hpyen ni a man hku lai mat wa lu ai lam ni gaw, Karai Kasang a shingkang shingwang nan rai nga sai.

3)      3/300 ni Nam Yung mare de du ai shaloi, Yawng Ngoi mare hpung sara a kasha si mat sai ma langai mi hpe, Rev. Maj. Marip Ja Naw woi awn ai 3/300 hpung ni akyu hpyi nna, jahkrung da ya ma ai. Shaning (8) ning lai mat ai hpang, Rev. Maji La Ja hte chyum jawng ma campaign hpung ni bai du ai shaloi, dai lam sakse hkam chyeju woi shakawn ma ai lam chye lu ai. 

4)      Sam Mung daw e hkawm ai hpung hta lawm ai, Shd. Lagyi Naw Lawn (ya Rev. Lagyi Naw Lawn, Njang Dung buga hpung, Myitkyina) Sam ni a “Hpyi” kawa nna sai mat sai hpe, hpaawn wa Rev. Major Marip Ja Naw akyu hpyi shamai dat ai lam mung, 3/300 Sasana a shingkang shingwang hpe, grau shadan shabrawng dat sai lam mu lu ai.

5)      Ingdaw Nawng makau, Lung Tung mare kaw na dinghku langai mi gaw, asak kung shajang sai raitim, kasha n lu ai majaw, Rev. Maj. Marip Ja Naw hpe kasha lu na matu, akyu hpyi shangun ai shaloi akyu hpyi ya ai the kasha lu jang mying kaning nga shamying na lam hpe mung, htet kau da sai. Kaja wa kasha langai lu ai lam sakse hkam ai hpe chye lu ai.

Ndai 3/300 sasana ni a apnawng dawjau lai wa sai lam, awng dang lai wa sai lam ni gaw, daini du hkra, kajai n ma, shakawn n hpra, kasi yu nna, kanan ka nga ma ai; Karai Kasang a chyeju hte sha, mungkan ntsa hta gumhkawng nna, shingkang shingwang dan hkung lai wa sai Jinghpaw Wunpawng Hkalup Hpung Ginjaw (KBC) a Sasana Masing Kaba langai mi tai lai wa sai law.

 3/300 SASANA HTA AP NAWNG AI NI

            Lawu de madun da ai ni gaw, 3/300 Sasana (1978-1981) hta ap nawng gun hpai lai wa sai hpung magma gun ni hte shayi, shading sha ni a mying jahpan rai nga ai.

 KBC Ginjaw Rung hta Ap Nawng Ai Ni

1)      1)  Rev. Maj. Marip Ja Naw         Ningbaw
2)      Sara Mading Hkaw Sau          Amu Madu
3)      Shd. Lagyi Naw Lawn                       Rung Up
4)      Shy. Maran Nang Htu             Rung Magam Gun
5)      Shy. Dashi Roi Htoi                Rung Magam Gun
6)      Shd. Tangbau Lum Dau          Rung Magam Gun
7)      Shy. M. Htu Shan                   Rung Magam Gun
8)      Shd. J. Gyung Hkawng                      Rung Magam Gun

 Sama Ginwang De Ap Nawng Ai Ni

1)     1) Lamung Bawk Naw
2)      Labya Naw Tawng
3)      Waw Htau Dau Dai
4)      Sara David
5)      Slg. Maru Naw
6)      Maran Awng Htoi
7)      Sara Nangzing Tu
8)      Yaw Htung
9)      Lashi Htu Shan
10)  Labya Kaw Ja
11)  Dumdaw Htu San
12)  Pausa Hkawn Nu
13)  Hpautsen Roi Ji

Waimaw Ginwang de Ap Nawng Ai Ni

1)     1)   Labya Naw Din
2)      L. Dai Hkawng
3)      Lahpai Zau Naw
4)      Marip Brang Di
5)      Labya Hkawng Lum
6)      K. Tu Awng
7)      Hpautsen La Jawng
8)      Hpau Jang La Sam
9)      Y. Gyung Hkawng
10)  P. Mawshe
11)  Lazing Nan Awng
12)  Ngwa Paw
13)  L. Gyung Hkawng
14)  Marip Ja Awng
15)  D. D. Bawk Ja
16)  Hkawng Nyoi
17)  Lahtaw Nu Ra
18)  Tangbau Lum Nyoi
19)  Maran Htu Ja
20)  M. Ying Sawng
21)  Awu Mi
22)  Slg. Hpauna Grawng
23)  Zehe Hana
24)  Yawng Lam
25)  P. Hkawn Nu
26)  Nhkum Ja Kai
27)  Labang Htu Bu


  1. Putao Ginwang De Ap Nawng Ai Ni
1) Ngwa Si Mi Ya
2) D. Awng Yun
3) Zahkung Zau La
4) D. D. Tang Gun
5) Shadan Zau La
6) Isak Marip Tu
7)Zau Li
8) Shadan Zau Lum
9) Slg. Naw Mai
10) Lum Hkawng
11) Sabaw Tang
12) L. Kai Htang
13) Dum Daw La
14) Da Bang Ze Nan
15) Maran Bawk Mai
16 L. Ja Nan
17) D. Bawk Hkawn
18) S. Kai Htang
19) Myitung Hkawn
20) Htu Bu
21) Zahkung Doi Bu
22) L. Hka Tawm
23) Lahpai Nang Ji

 Hka Hku Ginwang De Ap Nawng Ai Ni

1) Kareng Yaw Htung
2) Zahkawng
3) L. Brang Awng
4) Lama Naw
5) Kyang Bawm
6) Ding Maw
7) Ying Sawng
8) Lamai Nu
9) Pau Sang Htu Shan
10) Lazum Ah Pri
11) Lashi Ah Pri
12) SengLi
13) Yaw Htung
14) Zung Ting
15) Htawng Zawng
16) Myitung Htu Bu
17) Waje Bawk Tawng
18) Zinghang Htu Nan
19) Labang Bawk Hkawn
20) Pausa Hkawn Nan
21) Dau Nyoi
22) G. Kaw Lum
23) Jangmaw Roi Ji
24) Hpaudaw Htu Mai
25) Mading Chang Myaw
26) L. Nang Grawng
27) Maran Bawk Ja
28) Marip Hkawn San
29) Mun Tawng
30) Mading Sau Myaw
31) Maran Bawk Nan
32) Tsin Nan
33) Gam Awng
34) Z. Lum Hkawng
35) Lahpai Gum Ja Naw
36) Hkawn Lung
37) Mun Jan
38) Labya Kai Htang
39) Lum Nan
40) Tsin Yu Ja Ra

 Sam Mung Ginwang De Ap Nawng Ai Ni

1) Lahpai Zau Lum
2) Hpaugan Tang Gun (Rev. Hpaugan Tang Gun)
3) Marip Awng La
4) S. La Ja
5) D. Gum Ba
6) D. Brang Aung
7) Di Sar
8) Dau Zawng
9) Gam Hpang
10) Lashi Tu Lum
11)Tang Gun
12) Zau Bawk
13) D. D. Hkawng Dau
14) Hpauyam Hpa Lin
15) J. Hkawng Hawng
16) Lahpai La Jawng
17) Dau Ze
18) Lamung Hkawn Ra
19) Hpaugan Bawk
20) Bawk Tawng
21) Tangbau Gyung Hkaw
22) Maru Bu
23) Myitung Hkawn Din
24) K.D Htang San
25) Z. Htu San
26) Lahpai Ja Bawk
27) J.M Htoi Nan
28) Laha Hawng Nyi
29) Lashi Hkawn Ra
30) Hpauyam Seng Ja
31) M. Hkawn Htoi
32) Zau Naw
33) Kareng Htang San
34) Htu Lum
35) Zau Li
36) Nhkum Doi La
37) Dau Hkawng
38) Slg. Zau Htang
39) M. Brang Awng
40) Hpauwung Yaw
41) D. D. Lu Seng
42) Jaw Li
43) Kurini Sam Sun
44) Gum San
45) N. Zau Doi
46) Bawm Nu
47) Mayit Nem Sar
48) JaHkawn
49) Labya Ji Tawng
50) Lahpai Seng Sa
51) Labya Grawng
52) Ndau Roi Bu
53) B. Htu Sam
54) Nang Lum
55) Sing Nan Hkawn Tawng
56) Sagaw Hkaw Myaw
57) Z. Seng Tawng
58) Sumlut Tawng
59) Ndau Kaw Awng
60) Tsin Yu Nang Bang
61) Nang Sar
62) Waje Htu Lum
63) Lasang Htu Lum
64) J. Bawk Hkawn
65) Lu Mai
66) Kaw Bu
67) K. Hkawn Hpang
68) Ja Seng
69) Nu Hkawn
70) Maru Lu Seng
71) Kaw Ling

 Mammaw Ginwang De Ap Nawng Ai Ni

1) L. Tsin Awng
2) Tangbau Dai Lum
3) Lewi Ja Naw
4) S. Gun Gam
5) Yawshu
6) Ah John Shin
7) Pausa Tu Lum
8) Ding Zai La
9) L. Zau Bawk
10) Hpungmaw Hpung
11) Slg. Zau Awng
12) Naw San
13) L. Hkawng Nan
14) Naw Htoo Le
15) Lasang Hkawn Tsin
16) G. Hkaw Myaw
17) Maran Hka Tawm
18) Sam Du La
19) P.D Dau Naw
20) Lum Nyoi
21) Seng Mun
22) Ndau Lu Bu
23) Bawm Nam
24) Sumlut Tawng
25) Lahtaw Nang Roi
26) Hkaw Wawm
27) Lashi Kai Nu
28) Hpakawn Hkawn Tawng
29) Labang Htu Nan
30) J.M Roi Seng
31) Kareng Lu Ja
32) Lasi Hkawn
33) T. Hkawng Nan
34) N. Hkawn Hpang
35) Manam Chyan Wa
36) Zinwa Zau Seng
37) Lazum Naw Awng
38) Slg. Zau Yaw
39) B. Ah Bai
40) Hkaw Zi
41) G Gam Awng
 

Htingnai Ginwang De Ap Nawng Ai Ni
1) Hpau Tsen Luka
2) Nhkum Naw Bawk
3) M. Lum Tu
4) Jangmaw La Doi
5) Zau Hpang
6) Sau Bawm
7) Nhkum Naw Mai
8) Bawm Hkaw
9) Seng Nan
10) Maran Hka Ra
11) Lahpai Nang Doi
12) Shadan Htu Shan
13) Pausa Hkawn Nu
14) Hpauyam Hkawn Tawng
15) Galile Lu Tawng
16) Labya Lu Tsin
17) N. Ja Hpa
18) S. Ban Htang
19) Tawng Ji
20) Ja Hpa
21) Ze Nan
22) Hkaw Swang
23) Labya Roi
24) Bawk Jawng
 

Myitkyina Ginwang De Ap Nawng Ai Ni

1) Abraham Brang Shawng
2) Chang Lang
3) Naw Nai
4) Duwa Hkawng Gyung
5) Marip Gawng Li
6) Hawng Ze
7) Slg. Kareng Gawng
8) T. Tu Lum
9) La Ding
10) M. Brang Shawng
11) D. Tu Shan
12) Ying Yaw
13) Zinwa Tawng La
14) Naw Lum
15) Lahpai Zau Hkun
16) L. Zung Ting
17) Yaw Han
18) L. Naw Tawng
19) Hparaw Mai Hkum Mai
20) Ngwa Ta
21) Jasham La
22) Hawng Hkawng
23) Nu Ting Seng Ra (Hkang)
24) Roi Seng
25) M. Nin Zi
26) Ruhta
27) M. Bawk Hkawn
28) Maran Ja Hpa
29) Labya Ma Ting
30) Mary
31) M.D Htang Nam
32) Lahpai Nang Roi
33) Karing Roi Ja
34) Maran Hkawn Ja
35) Seng Myat
37) Htawng Tsai
38) B. Hkawn Tawng
39) S. Ban Mun
40) Nhtin Pri
41) P. Kai Nan
42) T. Nin Sar
43) Waje Roi
44) Zinwa Bawk Nu
45) Bawm Ze
46) Maran Hkawn Ra
47) Hpauyu Kaw Mai
48) L. Seng Tawng
49) D. Kai Htang
51) Ja Nan
52) Brang Tawng
53) Hpauda Zau Hpang

 Reference : JHZ (KBC) Labau Laika Buk - Laika man 184-196

Laika ngau shagun ya ai - Rev. Sumlut Tang Awng (MKBC)

hte Slg. Labang Hka Ring (MKBC)