Dai ni anhte na la lu sai Chyum ga hta Kasa Pawlu gaw Korinhtu mare na hpung masha ni hpe daru sharin nga ai ga na lu ga ai. Korinhtu hpung masha ni gaw Madu Yesu hpe hkap la kam sham ai tsawm ra ning rai wa sai rai ti mung shanhte a myit mang hkawm sa ai lam ni hta Madu Yesu a tsaw ra myit he shi a sharin shaga ai lam ni hpe chye na ai maka n shapraw dan lu ma ai. Dai hta jan nna, shanhte gaw ma kaji ni zawn shada da manawn masham ai akyang hpe madun nga ma ai. Bai nna ma kaji ni ginsup rai kashun hkat let ga li ga law ai lam galaw ai zawn Korinhtu hpung masha ni hta ga li ga law ai lam nga nga ai. Ndai zawn re ai akyang lai len hte hkawm sa ai hpung masha ni gaw wenyi makam masham hte hkawm sa asak hkrung ai lam hta ma chyangai naw rai nga ma ai lam hpe Kasa Pawlu tsun shaleng dan nga ai.
SHAGAWNG BUM GA SHINGRA MABYIN LAM A KATA NA “RUYAK TSIN YAM” HTE “AKYU CHYEJU” laika buk kaji byin wa hkra lam madun ai KaraiWa hpe chyeju dum ai. N’gun jaw Hpaji jaw karum shakut lawm ya ai myit su jinghku ni yawng hpe chyeju dum ai. Grau nna lawu de mying ka ai myit su kanu kawa ni hpe nachying chyeju dum ai law.
1.Rev. Nmai Gam - Nambu Edin, Putao
2.Rev. Ndawng Gum An Lung Hkang, Hpakant
3.Du Wa Manggu Hta Tang Putao Kawng
4.Salang Maju Tu Ding Hkyet, Putao
5.Sarama Ndau Kai Bu Putao Kawng
6.Ding Hkyet Buga Jubili Labau
Type kayat, computer hte soi ka rai nna laika buk byin tai hkra karum shakut nga ai Sara Nang Gaw Mung Ring (KTC, Nawng Nang) hpe mung, Internet online hta mara ya ai Nung Lungmi Htunghking Komiti ni hpe mung na chying chyeju dum nngai.
1:1 Panglai Pe tsaw 8000 a lahta e tu ai hpun amyu ni:
-Lachu Hpun
-Hkang ga Hpun
-Htang La Hpun
-Dasu (Daso) Hpun
-Marau Hpun
Ndai hpun amyu ni gaw hpun kaba ni rai nna tsaw dik ai bum ni hta tu ra ai. HKyen katsi dik hpe hkam lu ai hpu amyu ni rai ma ai. Kaga hpun kaji kadun amyu ni hte ja dik ai hpun amyu ni law law mung tu ma ai.
Dum nta ni galaw gap ai shaloi ahkyak madung ngau hku lang ai akri rawng ai hte manu dan dik ai maling hpun nu ni gaw; magram hpun, Nchyit hpun, Larawn Hpun, Lapan hpun, Yang Noi hpun, U Shagri Hpun, Larang-Rang U, Rang Chyap, Labyi Hkyeng,, Labyi hpraw, shadwi hpun hte Maihting hpun ni re ai. Ndai hpun nu ni gaw dum nta htingnu ni galaw gap ai shaloi grai asung shang ai hpunkri ngau madung ni hku nna lang nga ma ai.
Moi shawng de shagawng Bum ga hta shingra mabyin lam a tsinyam hku wa amyu myu hkrum sha lai wa sai, Ji wa ni a maumwi lik nga ai. Jinghpaw shagawng bum ga hta byin lai wa sai hku wa tsin yam amyu ni a mying lawu na hte maren hku wa amyu ni rai nga ai.
3:1 Ji Woi Ni A Ga Matsing
3:1. 1 Shing Rawng Hku Wa (Zar Rung Dakø)
Jinghpaw shagawng bum ga hta moi shawng de Shing Rawng Hku wa byin lai wa ai. Hkrum sha lai wa sai. Raitim galoi aten, gara shaning hta byin lai wa sai lam n chye lu ai. Shing Rawng Hku wa ngu ai gaw marang n htu ai, aten na na jan kri nna, bum maling kata na hpun kawa naw nam ni yawng hte hkai nmai hpun ni hte namsi nam saw hpun ni yawng hkraw si mat ai hte sha hpa n lu ai. Jan kri ai lam a majaw hpa hkai tim kaman hkraw sum mat ai.
Jinghpaw shagawng bum ga hta kawa amyu law law hpan nga ai. Kawa amyu hpan langi hte langai shi aten du, nhtoi gu wa ai shaloi sum sum n na kawa amyu ban prat ningnan bai bra wa ma ai. Kawa amyu hpan hta hkan nna sum hpe mying shamying ma ai. Gashadawn – Ding mang ga, Hkahku Jinghpaw ga, Hkahku ga rai nga ai. Sum sum ai nga ai ga gawshagawng bum ga hta tu ai kawa amyu hpan ni lap run mat nna apu pu ai hte kawa hpun ni hta asi si wa ai lam hpe “SUM SUM” ai nga ma ai. Sum sum ai lam gaw grai n kaja ai, akyu yawm ai re ai, Shagawng Bum ga nam maling kata na pri nem tsawm ai, manu dan ai kawa amyu ni yawng bum tingmung ting na kawa ni yawng hkrawt mat ai sum mat ai lam rai nga ai. Kawa sum sum ai lam a majaw matut hkrum hkra shangun ai lam gawshaggyim masha ni, hkai nmai ni a ntsa e lang lata hkra wa nna, sum sum ai lam a majaw shinggyim masha ni a nga mu nga mai jat galu kaba wa lam hpe kayat daw kau ya nna, sawn n dang lu ai machyi lam sum lam hte shingdim maga de nhtang ka nawng kau da ai lam hkrum shangun nna ru yak jam jau lam kaba hte katut shangun ai sum sum ai lam re ai.
Sum sum ai ngu tsun lang ai ga gaw Hka Hku Jinghpaw ga, Ding Mang ga rai nga ai. Shagawng bumga nam maling kata na kawa amyu ni yawng shi a aten ladaw nhtoi gu wa ai shaloi Kawa hpun, kawa ning hpang yawng shai wa ai, alap a malai apu pu wa ai, asi noi sumbraw wa ai hte asi myin wa ai, asi run hkrat wa ai, shagawng bumga na kawa maling ni bum ting, mung ting na kawa ni ladaw galai ai, kawa maling ni yawng hkraw zam mat ai, kawa amyu ni yawng Sum ai majaw, sum mat ai lam hpe Sum sum ai nga tsun ma ai. Sum sum ai lam gaw sum mat ai, kaba dik ai, sum mat ai lam re ai.
Yuli hku wa ngu gaw shinggyim masha ni sha na matu galaw lajang da ai, hkai jahting tawn shachyip tawn da ai sha hpa ni, yi yan wa ni hta hkai jahting da ai hkai nmai nsi naisi ni yawng hpe yuli yu manam hpung ni e jahten shaza, sha shama kau ya ai sha hpa nai mam nsi ni n lu mat sai majaw hkrum ai tsin-yam rai nga ai. Yuli yu hpyen a majaw hkrum ai hku wa tsin-yam rai nga majaw yuli hku wa ngu ai rai nga ai.
Hkuwa ngu ai gaw hkrat sum ai lam kaba hte hkam sha na matu yak dik ruyak tsin-yam rai nga ai. Hku wa ngu ai gaw sutgan lu malu yawng hpe ginlut kau ya ai hkrat sum lam kaji kaba yawng mayawng a npawt nhpang mung rai nga ai. Hku wa hkrum ai majaw kawsi hpang gara hkrum sha sai. Lu sha kaja n lu sha sai, hkum hkrang hta lasi lamun, sai n-gun n hpring sai, hkam ja lam hta hkra wa sai, bawnu hta mung hkra wa sai. Hku wa ngu ai gaw shinggyim masha ni sha na matu galaw jahting da ai yitung yiwa na hkai nmai ni hpe yuli yu ni e sha shama kau ya ai majaw hkrum sha ai kawsi hpang gara hkrum ai lam rai nga ai. Masha ni sha na lu sha yawng hpe yu li yu ni sha shama kau ya ai majaw shinggyim masha ni gaw nam maling kata de shang ashep nna, sha hpa tam sha ra wa sai. Hpa n seng ai nam maling kata de shang maling kata de shang ashep nna tam sha la ai nam kata na sha hpa hpe hku shat ngu nga ai.
Hku wa hte seng nna chyum laika hta law law lang madun da nga ai. Hku wa amyu hpan 2 ginhka da nga ai lam mu lu ai. Hku wa ngu ai amyu hpan ni yawng gaw hkrat sum shangun ai ruyak tsin yam lam hkrai rai nga ai. Hku wa gaw n kaja ai. Hkrit hpa tsang hpa tsin yam hkrai rai nga ai.
8:1 HkuWa (Famine) Hpan Amyu 2
8:1.1 Hkum hkrang hte seng ai lu sha, lu hka ntsin taw wa ai hku wa
“Dai mung e hku hku wa ai rai nna Abram gaw Egutu mung de sa shingbyi nga na pru sa wa ai. Kaning rai nme law dai mung e hku wa kaba hku nga ai (N.N 12:10)”.
Amerika mung e galaw ai Wunpawng sha ni a hkungran poi hta kaga ni hte laklai ai lam langai mi galaw nga ai. Lachyawp galai hkat ai ladat hpe galaw ai hpang, num ningnan gaw la ningnan hpe Jinghpaw nhpye hte n-ga jahpye ya nga ai. Dai n-ga hta rawng ai nhtu hte madu wa gaw madu jan hpe makawp maga bau maka ai wa re ai lam lachyum shapraw nga ai. Nhtu dai gaw ndung masen ai shing n rai pa ai rai na re. Rai tim nshan lahkawng maga dai ai baw n re.
Ndai ga baw gaw Myen Mung Hkalup Hpung Ginjaw (MBC) a 2007 ning na ga baw rai nga ai. Hkristan galaw daw jau ai lam gaw nawku hpung hte mungkan kaw nga shanu nga nna, Karai Kasang hte mungkan masha ma hkra hpe galaw daw jau ai lam rai nga ai. Masha hpe galaw dawjau ai lam mung Karai Kasang hpe galaw daw jau ai lam re hpe Chyum laika hta dan dan leng leng mu lu nga ai. Nanhte hpe ngai teng teng tsun made ga, ndai ngai nau ni hta na kaji dik ai wa hpe nanhte galaw ai gaw, nanhte ngai hpe galaw manit dai. Mtt. 25:40, Karai Kasang hpe tsaw ra ai wa gaw shi a kahpu kanau ni hpe mung tsaw ra lu na nga ai ga gaw shi kaw na anhte lu la ai hkang da ai ga rai nga ai. I Yawhan 4:21, dai majaw Karai Kasang hte masha hpe dang du hkra galaw daw jau lu na matu chyum laika hta mahta nna anhte matut sawk yu ga.
Dai ni anhte na la lu ai Chyum ga gaw Ga Shaka Dingsa Laika hta rawng ai Myihtoi Yona Laika a jahtum na daw rai nga ai. Karai Kasang gaw Yona hpe Assyria mung na mare daju Neniwe mare de sasana dat wu ai. Yona chyawm gaw Israela masha ni a hpyen rai nga ai Neniwe masha ni hpe n ju n dawng nga ai rai nna Karai Kasang a ga hpe lale ai hte Karai Kasang a man nna hprawng mat wa na matu sinna maga e nga ai Tarshi mung ngu ai Spain maga de sa ai sanghpaw li hta shang makoi rawng nga ai. Sanghpaw li dai Nawng Kaba a kaang de du mat wa ai shaloi laru kaba hte katut nna li hta lawm sa ai bungli galaw ai ni yawng kajawng kaja kaba hkrum ai hte gade a mjaw shanhte yubak ari hkrum nga ai hpe tam sagawn ma ai. Shanhte li ting hkan tam ai shaloi li a npu htap e n dum shamyi yup taw nga ai Yona hpe sa mu ma ai.
Anhte poi daw sha ai shaloi ga shaka hte seng ai muk hte sabyi hpe sha nga ai ga ai. Madu Yesu a si hkam ai hkumhkang hpe myit dum na matu, muk hpe sha nna, shi a chyoi pra ai sai hpe myit dum na matu, sabyi hpe lu nga ga ai. Mtt. 26:28 hta ga shaka hte seng ai asai ngu da n htawm, 1 Kor. 11:25 hta nye a sai hte gaw da ai ga shaka ningnan ngu nna tsun da ai hpe mu lu ai. Ndai ga shaka gaw anhte a matu hpa rai da, chyawm sawk yu ga.
2007 ning hta MBC hku nna myit yu na matu ga baw gaw, Karai Kasang ra sharawng ai hku galaw dawjau na lam hpe sharin ya rit, ngu ai akyu hpyi ga ga baw rai mali ai. Hkalup mung masha shagu yawng gaw ndai ga baw hpe myit yu sharin la na shaning mung rai nga ai. X’tan langai hku nna X’tan sak hkrung lam hta Karai Kasang ra sharawng ai hku galaw dawjau ap nawng sak hkrung na matu kaja wa sha akyu hpyi la ra nga ga ai. Anhte yawng gaw dawng mi sha shinggyim masha tai ai ni rai nga ga ai. Ndai sak hkrung ladaw hta e kadai mung kadai tinang man ang ai hku nna lama mi gaw galaw daw jau nga ga ai re.
Jinghpaw ga “akyu hpyi” ngu ai gaw Myen ga su taung ngu ai အhe lachyum bung ai. Shaman chyeju hpyi la ai gaw lachyum madung re ai zawn mu lu ai. Rai tim Chyum Laika hta na kyu hpyi ai ngu ai lachyum madung gaw Karai Kasang hte matut mahkai kanawn mazum ai hpe ngu ai she rai nga ai. Karai Kasang kaw na hpyi ai sha n rai, shi hpe shagrau shaa ai, shakawn kungdawn ai, chyeju dum ai hte anhte a lam tsun shana dan ai lam ni lawm nga ai. Myen mung ga de nga ai anhte a kanu kawa jinghku jingyu ni hte telephone hku shaga hkat ai shaloi tsun ai lam ni hte mai shadawn ai. Madung gaw mahku mara shangang shagrin ai baw ga anhte tsun shaga nga ai. Dai hte maren Karai Kasang kaw kyu hpyi ai ngu ai gaw shi hte mahku mara ai lam hta shangang shakang ai amu langai mi rai nga ai.
Hpan Ningsang Chyechyang e shinggyim masha ni ni hpe dumsa jaiwa ningli nau shawng ningli ni sharin la ai re, nga nna Lungmi amyu ni hkam la ma ai. Shawng de Mahtum shayi ni dumsa ma ai. Madai shayi ni dumsa ma ai. Lungmi ginnum majan ginnum masan ni dumsa ma ai. Dai dumsa lahkum hpe Namlung Madan jai gawng dung nna htawt ai.
Nung (LungMi) Laili Laika Hte Htung Hkring Komiti Hpung
BAN DUNG
Amyu Baw sang Langai Hku Gahkin Gumdin tsap nga lu ai de.
YAW SHADA AI LAM
1)Htung Hking maka, ka manawt, Labau lam yan ni hpe grau grau sawk sagawn sa wa na.
2)Amyu sha ni a myit hkrum lam grau grau ngangkang lu hkra Zin Lum sa wa na. (Myen mung kata, Kaga mungdan de nga ai Nung Amyu ni yawng)
3)Gaka amyu baw sang ni hte ta gindun, mahku mara ai lam galaw sawa na.
4)Hpaji lam, Sut masa lam, Amyu sha lam, Mungdan alam, Nawku Hpung lam yan ni hta Ningbaw Ningala law law shalat sa wa na.
HKAM LA AI LAM
1)Jinghpaw Wunpawng amyu hta Moi Jiwoi Jiwa Ni a ban, nnan ginru ginsa yu hkrat wa ai kaw na Amyu Baw sang (Lakung) langai rai nga ai.
2)Htunghking maka, Ka manawt amyu myu, Labau hte rau Gumrawng
Gumtsa up hkang masa hta nga pra ai amyu rai nga ai.
3)Majoi e daidaw ai mying, Majoi lu ai hte Majoi sin nga ai amyu re.
4)Amyu sai ga shaga ai, Lamu ga lu nna, Lamu ga ga shaga ai amyu rai nga ai.
5)Du magam, Dumsa Joi Wa, Manau hkring htawng, Htung Hking ni hte rau nga lai ai amyu re.
6)Amyu sha ni a myit hkrum lam, Sim sa lam, galoi mung ra sharawng ai majaw Jing Hku shalaw hku ai amyu mung rai nga ga ai.
7)Nung (LungMi) ngu ai mying gaw Majoi e shatai daw ai hte hpan wa ning sang chye wa ningsang wa e daidaw ai rai nga ai majaw Mungkan ga sha grin nga dingsa grin nga na Nung (Lung Mi) amying shingteng rai nga ai.
8)Share shagan ai amyu, Tsawra myit hte hpring ai, karum shingtau chye ai amyu re.
9)Ningbaw Ningla tsang hta chye nga ai amyu re, (Du wa Zan hta Sin, Du wa Ding Ra tang) zawn re ai ningbaw ningla law law nga lai wa sai.
Munghpang Tibet hkaw hkam Meng Tung wa up ai prat hta Gumdi pa de hkan dawk sa hta la ai. Raitim Lungmi amyu ni hpe n hta ai.
Myen hkawhkam Tu Tu wa a lakhtak hta Lungmi mayan hpe hkan se hta la ai lam n nga ai. Kaga shara e hta la sai.
Mannu Zauhpa Zau Mahaw wa up hkang ai shaloi mung, Pangsu Bit de nga ai Zauhpa wa a lak htak hta mung Lungmi ni hpe hkanse n hta la ai.
Zauhpa Hkan a prat hta mung Lungmi ni kaw hkanse gawn n hta ai.
Lisu Yawyin ni e shanhte a kaji bunglat hka hta ai shaloi mung Lungmi mayan de n hta la ai.
Lukhkun ni hte Lungkyeng ni majan gasat ai shaloi, Lungmi ni e Lukhkun wa hpe nhtu kap 5, yam joi 5, sinat laknak hte garum sai. Sam ni hpe mimawk kaba 1 (Myawk) jaw ai hte kumpang jun ma ai. Dai myawk ya Putao moi na Htana Dap kaw nga ai. (Nhtu kap 5 = 50 re)
Sam ni e mung chyu jahku tu ai bau hte ja gawm 1 kumpang jun jaw ma ai. Chyu jahku tu ai bau a matu nga 10, ja gawm a matu nga 19 hte kumpang htang ma ai. Kaga lam hku madi shadaw ai lam law law nga ai.
Dinghta Majoi a ningpawn htawt nna Hkrang Hku Majoi shachying ngut ai hta, Lungmi kaji ni gaw daw hpum daw gang nta kaba ni galaw la ngut ai hte maren, Langhong ga hte shakawn nna masun marawng shawawn ngut ai, nga ai.
Mala Hpung hte Mala Nang yan gaw lahkru laja ngau hte dum nta galaw ma ai. Dai nta hpe masum ning pyi n du yang damnai hkanghawn (kahkun) e sha agrawp kau ya nna nga yak ai hte lawu de hprawng mat sai nga ai.
La Lungmi hte Num Lungmi amyu ni gaw tinang nang hkai da ai lachyi ri hte nau shawng lawng, lawng hkoi, lawng htawk, matu hkyeng kabu, sing nat labu, lazi labu palawng, maka nba, maka labu, danghkun nhpye, busam nba, kadaw lamaw, bu lamaw, basing nba ni da la bu hpun shatsawm let, sharaw kawng kap n-gang e htan rai let manau latsa dum ai. Jai wa dumsa ai.
Hpan Ningsang Chyeng Ningchyang Ninggawn Tawa Karai Kasang gaw sumsing lamu hte ginding aga hep hpan da ngut ai hte sumsing lamu hpe mawn sumli shatsawm shahtap na matu likhpan mung hpe hkawlen ngu ai mare kaba 9 hte Asak Hka Nu hpe de da wu ai.
Ndai mung hpe Kaang Shingra mung, Lapran Hpatwat mung ngu nna tsun lu ai. Hpa majaw nga yang ndai mung gaw Likhpan mung hte mungkan ga a lapran hpatwat kaw nga ai majaw re. Ndai mung hta Madai nat ni hte nat salang kaba ni up sin ai mare kaba 10 nga ai. Dai sha n-ga, Madai Ninghke ngu ai shara mung nga ai. N Shaga Wa hte N Shaga Jan yan a Lu Len Sha Len mare mung nga ai, Sali Yang Bangsau mung nga ai. Jahku Numshe mung nga ai Masang Lahkum mung nga ai.
Masang lahkum kaw na pru wa ai shinggyim sha ni gaw Lapran Shingra Mung na Mahtum Mahta Ga kaw e shanu nga ai kaw na Shi Gindawn ngu ai Kadawn Munghkang hpe lai kau ai hpang dinghta ga de lakang amyu myu hte yu wa nna, Dinghta Majoi kaw shawng nnan nga nga ma ai. Dai kaw nga ai shaloi ginru ginsa masha ni gaw sut ring gan chying mayat maya law htam wa nna masha mung mana maga law wa ma ai. Dai majaw mungkan ga e kajai gumhpraw na matu hte shanhte a n-gun atsam arawng sadang hpe madun na matu Lamu Dep Wahpang Langchyi kaba hpe mung galaw lai wa sai nga nna dumsa jaiwa ni hkai ma ai. Masha law ai hte hkyen lu hkyen sha na matu mung lani hte lani yak wa ai majaw, lamu ga nnan lamu ga kaja tam na matu mung myit mang wa masai.
Ginru ginsa yu hkrat wa ai ni gaw majoi langai a hpang lai kau da nna Mali Hku Majoi de du ai lam hpe lahta de ka da sai. Dai kaw du ai shaloi, Mahtum Mahta a Sali wunli sut gan ni hta na sut hpun hpe myihtoi jaiwa hkungwa kaba Namlung Madan e myihtoi ga hte mung, dumsa jaiwa hkungwa ga hte mung shaman nhtawm hkai wu ai re majaw, kaba de lalam 90 kawan nna, tsaw de lalam 900 tsaw ai hpun, mauhpa hpun tai wa sai. Sinpraw sinna dingdung
Masha kaw hpyi hpyi re ai shaloi jaw ga ai, nga ai hpe Lungmi ga nkau mi hte Ji e, nga ai, N jaw ai shaloi gaw hkaji chye ai hte maren Ji na wa (jaw na wa) ngu nna, gadun ai hku Ji ngu lu nga ai. Nat ngu ai ga gaw, masha hpe manat sat lu ai, sat chye ai, sat ai hta sha n-ga, tara kata kahpu wa e mung kanau jan hpe manat nna shada da ndaw liknga lam galaw ai amyu re ai majaw Nat ngu ai re ai. Satan ngu ai gaw masha ni a nsoi nsa hpe dan la lu ai du hkra n-gun ja ai, machyi sawng shangun ai re majaw Satan (Tsadan) ngu ai re, ngu lachyum shapraw ga ai.
Masat (II) ngu na mungkan ga ntsa e nga lai wa sai, n hkru n kaja ai Lahtawng Lazan Dingli Dinglan masha ni hpe majoi sha-u hte gindap jahten kau ai hpang, Hpan Wa Karai e hpan da ai Ja E hte Nang E yan a matu mara rai nga ai, shinggyim sha tai na ni gaw Lapran Shingra mung na Masang Lahkum ngu ai mung kaw e nga nga ai kaw na mungkan ga de shayu dat na matu Hpan Wa Karai a ahkaw ahkang hte maren Masang Lahkum kaw nna masat 3 ngu na mungkan ga de ginru ginsa rawn nna pru yu wamaai.
Hkungga let tsaw ra ai Nung Lungmi amyu sha ji nban yawng hte hpe ndai labau hte seng nna lawu de na hte maren numhtet numra hpyi lajin dat ga ai.
1.Ginru ginsa yamban ban ai lam n hkum n tsup na re ai majaw, tinang lakung a ginru ginsa lam ni hpe laika hte ka shagun na matu mung, tinang nan sa nna n-gup ga hte tsun hkai na matu mung htet mayu ga ai.
2.Htinggaw mying hte seng nna n shalawm lu ai ni nga na re ai majaw, hpang na lang hta shalawm lu na matu ka jaw tsun jaw marit ngu hpyi nem ga ai.
3.Labau shang ninggun ja htawngmu ni share ja ninghkring ni a lam, up hkang ai lam hta dan dawng wa sai ningbaw ningla du magam ni a lam, myihtoi kaba ni, dumsa jaiwa kaba ni a lam, laklai ai masha ni a lam ni hpe mung shagun jaw na matu hpyi lajin ga ai.
4.Labau shang maumwi kadun ni, ga shagawp ni, matsun maroi ga ni ka jahting na matu shagun jaw na hpe grai myit mada ga ai.
5.Tinang a nga shara buga ni hta tu ai hpun kawa amyu myu a lam, namsi namsaw amyu myu a lam, bum shagawng mying ni, hka shi hka gai ni a mying ni, hkyet ni a mying ni, ri amyu myu a lam, u amyu myu a lam, lungpu ni, lunghkrung lungwap ni, nhprang rai ni, lak lai ai lunghtawn ni a lam hpe mung jahkum la na matu htet ga ai.
6.Labau shang masat dingsat hkang ni (Ga shadawn - Dusat hkang, masha lagaw hkang, nlung hkang ) hpe atsawm sha makawp maga na matu mung, sumla gayat nna shagun jaw na matu mung numhtet dat ga ai.
7.Amyu sha ni a lata amu amyu myu, ri da maka amyu myu hpe mung lak lai ai maka ni hpe mung mazing mat, wa na matut numhtet ga ai.
8.Nga shara buga ni hkan na manu dan ai arung arai ni hte dusat ni hpe n hten n mat na matu makawp maga mat wa na matu mung htet mayu ga ai.
9.Ahkyak ai labau Shang masha ni a datbung sumla kayat nna lawan dik ai hku shagun jaw na matu mung hpyi lajin dat ga ai.
10.Ahtik labau hta bang ra ai ngu sawn la ai hpa lam hpe raiti mung shagun jaw la na matu hpyi mayu ga ai.
Ndai lang dip dat ai ndai labau gaw lam hpaw ai hku nna shapraw ai shawng nnan na nhprang sha re ai. N hkum n tsup na mung teng sha re ai majaw, hpang na lang hta grau hkum tsup hkik hkam ai labau shapraw la lu na matu shatawng shada ai hte maren, amyu sha ni yawng myit rawt garum shingtau na matu aja awa hpyi lajin htet dat ga ai law.
Shagun jaw na hkring dat ni-
(1)Salang Ajawn Shin - 1/94, Ga Htu, Putao.
(2)Salang Htitgam Hpung - N. E 25, Myo Thit, Myitkyina.
Chyum daw ndai kaw Madu Yesu kyu hpyi na lam hte seng nna sharin ya nga ai. Kyu hpyi ai masha shagu a matu myit mada shara kaba jaw ai Chyum daw re. “Hpyi mu, shaloi nanhte lu na myit dai; tam mu shaloi nanhte mu na myit dai; akawk mu shaloi nanhte hpe hpaw ya na ra ai.”
Tara n lang ai ni, n-gun ja ai ni, gumrawng gum tawng ai ni gaw hkalem hkalau, kashun kashe rai let matsan ai ni, kaji kadun ai ni, KK a kashu kasha ni hpe roi rip, ka-up sha, zingri zingrat rai nga ai lam hpe Shk. sara wa gaw, KK hpang de tang dan wu ai.
.jpg)
