NUNG LUNGMI SHANING NINGNAN POI

Nung Lungmi Shaning Ningnan Poi hpe, 2019 ning December 23 (bat hpang 1 ya) shani, Machyang Baw Ginwang Namhkam mare kaw galaw na re lam chye lu ai. Myu shani yawng sa du shang lawm sa wa ga. 

KAWA NI A NHTOI BYIN WA AI LAM

America Mung, Washinton mungdaw, Spokane mare makau, sun kaba langai mi hta kanu si mat ai hpang, shan wa ni marai (7) nga ma ai. 1890 ning March shata lana mi nbung ram ram ja ai shana, kawa myit ru yawn hkyen nga yang, lai wa sai shaning hta n nga mat sai kanu hpe a la nga ai shadang sha langai a kajawng sha rawt nna, kanu hpe hkrum na nga shinggan de pru wa ai. Kawa rawt hkan nang nna kasha hpe pawn la let shayup da wu ai. Kawa gaw William J. Smart re. Shadang sha 5, shayi sha 1 hpe bau maka let woi kaba wu ai.

Shayi sha gaw John Bruce Dodd ngu ai hte dinghku de wu ai. Kawa William J.Smart gaw Yesu hta yup pyaw mat wa sai. Mrs. John Bruce Dodd gaw lani mi kanu ni a masat laban nawku sa lawm ai shaloi, Hpung up wa gaw, kanu ni hpe chyeju dum shagrau ra ai lam mungga htawn tsun nga ai. Mrs. Dodd gaw kawa a chyeju hpe dum nga na lam myit hta grau hkam sha nga ai. Nawku ngut ai hte Hpung up wa kaw sa nna, shan nau ni marai kru hpe bau maka ai chyeju madu kawa a lam hkai dan let, kawa ni a masat nhtoi mung, galaw na lam hpyi wu ai. Dai majaw, June shata 3 ngu na laban hpe KAWA NHTOI ngu masat let galaw wa sai. Spokane mare up du wa mung, mung shawa masha yawng hpang de shana shabra ya sai. 1924 ning kaw nna, tara shang masat nhtoi byin wa hkra, Mungdan Gumsan magam wa mung, madi shadaw ya let dinghku shagu kawa ni hpe hkungga shagrau na lam matsun nu ai.
Chyum ga ni: Yawshu 24:14-15; Ga.sha. 1:8-10; 23:13-14; 29:17; Ehp. 5:28-31; Mt. 1:19-24; Luk. 19:17; Ehp. 6:1-4.

Ref: KBC Hpung Woi Matsun Laika Buk

William Jackson Smart

Sonora Smart Dodd

KBC Kawa La Ni Hkam La ai Kawa Kaja Kasi (5)

KBC KAWA LA NI HKAM LA AI KAWA KAJA KASI (5)

1. Makam Kri Dung ai Kawa. (Yawshu 24:15)

2. Hkam Kaja Ze Let ai Kawa. (1 Kor. 6:19-20)

3. Hpaji hpe Tsawra ai Kawa. (Ga Shagawp 9:10)

4. Sut Su ai Kawa. (Tara Jahprang 8:18)

5. Amyu Mungdan a Kawa. (Ga Shagawp 13:22)

KBC Kawa La Ni Hkam La ai Kawa Kaja Kasi (5)

Hkristan Dawnghkawn (Christian Flag) hte Myu Sha Dawnghkawn (Kachin Flag)

Hkristan Dawnghkawn (Christian Flag)

Myu Sha Dawnghkawn (Kachin Flag)

Wudang – Sai Hkawq Let Hkungga Nawng Shara

Wudang – Sai Hkawq Let Hkungga Nawng Shara

Wudang hta sai hkawq let hkaungga jaw ai lam gaw Yesu Hkristu a prat shawng kaw na Jinghpaw Wunpawng sha ni lang hpang sai..,

Wudang ngu ai ga gaw natjaw hte seng ai natjaw prat nag a rai nga ai. Jinghpaw Wunpawng myu masha ni Hkristan tai wa ai aten hta ndai Wudang ngu ai ga gaw lachyum grai rawng ai, lachyum grai sung a ga tai wa sai. Jinghpaw ga hta Ngadang kaw na wudang tai wa ai lam mu chye lu ai. 

Anhte Jinghpaw ni “Nga” ngu ai hpe shaga ai shaloi “wu” ngu lang chye ai. Ngala, ngayi, ngahpraw ngu tsun na malai Wula, wuyi, wuhpraw ngu tsun ga ai. Dai majaw “Wudang” ngu tsun ai shaloi Ngadang – Nga hpe shadang ai ngu tsun mayu ai. Nga madu ni “Nga” hpe sat sha mayu ai shaloi Nga ni lai ai shara kaw nhpan kum da ai. Dai nhpan kaw sat sha na Nga ni hpe gawt bang ai. Dai shara kaw dun la yak ai Nga ni hpe sat ma ai. Nga wula kaba ni lak wa ai shaloi nhpan ni daw mat waw mat chye ai. Dai majaw shi hpe gyit na shara kaw shadaw kaba lahkawng jun ra ai. Dai shadaw kaba lahkawng a lapran kaw Nga gyit na the Nga dun na shadaw naw jun ra ai. Dai shadaw lahkawng a mying hpe mung Nga hpe shadang ai re majaw Ngadang ngu tsun ai. Dai Ngadang kaw na Wudang byin wa ai.

Nat jawjau ai ni hkungga nawng dumsa sa ai shaloi Nga hte rau wudang shadaw mung hkungga hta lawm ai hku dumsa ma ai. Nga wuni (N zai ai, ni ai) Nga rai yang shi hpe natjaw ai shaloi nta a ndaw kaw wudang shadaw hpe jun nna dai Nga wu-ni hpe dun nhtawm dai kaw sai jahkawq ai. Nat jaw makam hta sai gaw hkrung ai yawng a asak ntsin re ngu kam ai. Sai hkring hte masha asak hkrung na lam mung hkring mat ai. Shingrai nta madu wa (sh)nta masha langai ngai machyi nna hpa n luq n sha kam yang sai hkyet mat ai; sai hkyet mat jang si wa ai. Dai majaw machyi ai nta madu wa a sai hpe malai bang ya ai hku, Nga gaw sai hkawq ra ai. Sai hkawq maq ai hte Nga si mat ai. Machyi ai masha a malai hkamja Wa na matu sai hkawq nna si hkam ya ai lam rai nga ai. Ndai hkungga hpe Wudang hta dun nna sat ai. Dai majaw Wudang hte Hkugga Nga gaw maren sha re.

Yesu hpe jen sat ai shadaw hpe Dr. Ola Hanson gaw Wudang ngu bai lang da ai. Yesu hkawq kau ya ai sai gaw Shinggyim masha ni yubak a majaw asak sai hkyet mat nna si mat wa ai hpe asak bai matut na matu Hkrung ai asak asai malai bai tai ya ai. Yesu a asai the asak hkrung nga lu ai. Wudang hta Yesu hkawq kau ya ai asai hte kashin yang hkyen zawn hpraw wa ai. San seng chyoi pra wa ai. Hkrung a asak rawng wa ai, Htani htanaq asak lu ai. Dai hpe Yesu kaw na hkrung ai nsoi nsaq n lu ai wa, Wenyi n rawng ai wa n chye na ai. Hpa majaw nga yang sai the kashin yang hkyen zawn hpraw ai lam n nga ai. Grau pyi num shaq ai. Dai majaw moi na anhte a jiwa ni gaw sai the asak gara hku seng ai hpe asan sha chye na ai. Dai ni na Tsidu (sarawun) ni chye na ai zawn sai ahkyak ai lam shanhte atsawn chye na ma ai.

Moi Yesu Hkristu Yubak lu ai anhte Shinggyim masha ni a matu si hkam ai Wudang gaw Ngadang n re ai sha Yubak ari kaba lu ai ni hpe jen sat ai hpunpyen shadaw re. Dai Hpun pyen shadaw gaw sai hkyet mat nna si wa hkyen ai wa a asak matut na matu sai hkawq hkungga Nga sat ai shara mung n rai nga ai. 

Jinghpaw Wunpawng sha ni hta masha hpe jen sat ai shadaw nnga ai. Asai hkawq ya ai Wudang sha nga ai. Lachyum namnak grai rawng ai. Chyum mungga masa hte hkrak re ai jawjau lai Jinhpaw ni kaw nga taw ai. Dai majaw Sara kaba Ola Hanson gaw Yesu hpe jen sat ai Hpun pyen shadaw ngu ntsun ai sha Wudanng nu jai lang ai. Dai majaw Yesu Hkristu Shinggyim masha ni a matu hkungga tai let sai hkawq si hkam na lam hpe Jinhgpaw Wunpawng sha ni mahkam masham hta tau hkrau nna nga hpang sai. Karai Kasang a laksan mau hpa lagaw hkang ni (God’s Footprints) rai nga sa law.

Kaning rai nme law, yubak a shabrai gaw si mat ai rai nga ai; Karai Kasang a chyeju kumhpa chyawm gaw, anhte a Madu Hkristu Yesu hta e, htani htana asak rai nga ai (Roma 6:23).

Wudang hta Yesu hkawq kau ya ai sai aq majaw Htani Htanaq asak anhte lu la sai. Dai wudang hpe sadi let hpai yang asak janmau Anhte lu. Amen! Amen! Amen!

Reference – Sara Pungga Ja Li – Jinghpaw a Hkap La Hkansa Shatup Lam

Credit – Rev. Palawng Naw Tawng, (Facebook)