Ji Nat ngu ai ga lachyum.
Masha kaw hpyi hpyi re ai shaloi jaw ga ai, nga ai hpe Lungmi ga nkau mi hte Ji e, nga ai, N jaw ai shaloi gaw hkaji chye ai hte maren Ji na wa (jaw na wa) ngu nna, gadun ai hku Ji ngu lu nga ai. Nat ngu ai ga gaw, masha hpe manat sat lu ai, sat chye ai, sat ai hta sha n-ga, tara kata kahpu wa e mung kanau jan hpe manat nna shada da ndaw liknga lam galaw ai amyu re ai majaw Nat ngu ai re ai. Satan ngu ai gaw masha ni a nsoi nsa hpe dan la lu ai du hkra n-gun ja ai, machyi sawng shangun ai re majaw Satan (Tsadan) ngu ai re, ngu lachyum shapraw ga ai.Ji nat ni gaw kaji kawoi gumgun gumhpai nat ni gaw shinggyim masha ni a daw chyen raitim, n jaw n ya yang manawn masham ginhka ginra ai lachyen lahka ai myit hte hpring chyat nga ma ai. Shanhte ra ai baw jaw yang chyu sha shamai shatsai ya ma ai.
Hpyi lamawm shing-yaw shing-yai, suseng, lasawp nat ni mung manaw masham myit hte hpring chyat ma ai majaw, n jaw n ya yang, grai manawn ai myit rawng ma ai, shanhte hpyi ai hte maren jaw yang gaw mai tsai wa shangun chye ma ai.
Masha ni hta mara tam grau ai Shahtung nat, shingnam nat shan nau yan gaw, bum kaba, hka baw hka zup, hpun kaba, tsawm ai arai hpa baw hta raitim, masha ni n dum shami e jum hkrup la hkrup yang, jarø nat byin nna, nbung laru shingna kaba akajawng sha sharawt chye ma ai. Shut tam hpyit tam jawat tam nna hpyi sha mayu ai baw rai nga ai.
Ja E Hkyen San hte Ninggawn Nang yan a kasha Tu, Ninggawn Washun gaw Ninggawn Wanun hte dinghku de nna shanu Hpung, Shanu Htin hte Shanu Hkyen hpe shaprat wu ai.
Shanu Hpung gaw Shanu Nang hte dinghku de nna Shawa Hpung hte Shawan Htin hpe shaprat wu ai. Shanu Htin gaw Shanu Nen hte dinghku de nna Shanu Hpung, Shanu Htin hte Shanu Hkaw hpe shaprat wu ai. Shanu Hkyen gaw Shanu Chang hte dinghku de nna, shan gaw hpyipai zaugyi ngu ai bungsha labam sha lawa tai mat sai.
Shanu Hpung hte Shanu Nang a kasha Shawa Hpung gaw Shawa Nang hte dinghku de nna Mahtum Mahta, Mushe Htin Nawng, Hkyen Jaga, Shun Bunghkang, kanau Shawa Htin gaw Shawa Nen hte dinghku de nna Mahpung Dingnu hte Shawa Htin hpe shaprat wu ai.
Shawa Hpung hte Shawa Nang yan a shadang sha alat Mahtum Mahta gaw Nang Ada ngu ai jan hte dinghku de na Mahtum Hpung Kummun hte Mahtum Nang Pa Ada
Mawa Hpung Kummun
Ndai wa a mying hpe, Mahtum Mahta a kasha re ai majaw, Mahtum Hpung Kummun, ngu nna mug shamying ma ai. Shi woi awn ai ginru ginsa masha ni hta Shinglang Galu ngu ai wa, Mana Wa Bawng Sali ngu ai wa hte Mana Wa Kan Dingbung ngu ai wa mung lawm ai. Dai ni a maumwi ni mung nga ai.
Mahtum Mahta a kanau Mushe Htin Nawng Chyauhpa gaw Mawru Jan Hka Mai hte dinghku de nna Jayung Hpung (Kayung Hpung) hte Jana Nang (Kana Nang) hpe shaprat wu ai. Shan nau hpe Kayung Maja yan, Namni Namroi kasha, Lungdi Lungtawt kasha yan ngu nna shamying ma ai. Mushe Htin Nawng hte Mawru jan Hka Mai gaw lapran Shingra mung na Mushe mare hpe de nna up sin let Sana Binhtang hka hpe lu let nga nga ai. Lahtawng Lazan Dingli Dinglan masha ni hpe sha-u hte bungpat ai shaloi Mushe Htin Nawng gaw lamu ga htumpa pat ai wa, Mawru Jan Hka Mai gaw sinna nbung laru tat sharawt ai jan rai nga ai.
Mushe Htin Nawng a kanau Hkyen Jaga gaw Heng Jaga ngu ai jan hpe la nna Soi Laing Binnu Laing hpe up sin let lu let nga nga ma ai. Hkyen Jaga hpe Shapawt Duwa, Shahpawt nat ngu jaw jau ma ai.
Hkyen Jaga a kanau Shun Bunghkang gaw Nun Jumang hte dinghku de nna shan gaw lun Hka sin let nga nga ma ai. Nun Jumang gaw Lungmi kaji kawoi Sut Kumju hte Mahtum Nang Pa
Shun Bunghkang ga kanu Nen Dingwa gaw, Shawa Htin hte Shawa Nen yan a shadang sha alat Mahpung Dingnu kaw wa ai jan re.
